HAIRCUT :))

• pusanggala! wala na bang mas sasakit pa dito?
• yung lalake/babaeng nangako na hinding hindi ka ipagpapalit, hinding hindi ka iiwan, hinding hindi ka sasaktan, bakit nasa piling na agad ng iba?
• yung lalake/babaeng nagsabi na mamamatay daw siya kapag nawala ka, bakit buhay pa rin at nagpapakasarap sa iba?
• yung lalake/babaeng hawak pa ang kamay mo kahapon, tapos ngayon ay hawak na ng iba?
• minsan talaga unfair na ang buhay. nagmahal ka lang naman. saan ka ba nagkulang? o baka naman sumobra ka?
• minsan, may mga bagay talagang dapat mong tanggapin kahit sobrang sakit na. ano pa nga ba magagawa mo diba? wala ka nang ibang choice.
• alangan naman makipag-away ka pa edi mas nasira buhay mo. tandaan mong wala sakanya ang buhay mo. sayo yan. overrated na kasi yung sinasabing “ikaw ang buhay ko. hindi ko kayang mawala ka.” halos lahat naman kasing tungkol sa “love” ay overrated na sa panahon ngayon.
• pero ang dapat mong gawin: kumalma ka. magdasal, kasi may isang taong 101% sure na hindi ka iiwan. at yun ay yung nasa taas. :) ngunit hindi ko sinasabing lapitan mo lang siya kapag heartbroken ka. lagi mo siyang isasama.
• sa ngayon, hindi ka pa okay. pero sooner or later, dadating ka din sa puntong masasabi mo na “masaya na ako!”
• dumaan din ako sa ganito. kaya 101% sure din akong makakaya mo. :)
• get a new haircut, para kasi sakin isa yung sign na your moving on :) hahahaha.

IKAW LAGING TAMA :))

pride. yan ang dapat mong pababain. yan ang dapat mong kontrolin. kapag nasa isang relasyon ka, hindi lahat ng oras, ikaw yung dapat masunod. dahil hindi rin lahat ng oras, ay tatanggapin niya ang pagkakamali mo.

wag mo nang hintayin na dumating yung oras na hindi na niya makayanan ang ginagawa mo at iwan ka niya, hindi dahil hindi ka na niya mahal, pero dahil hindi mo siya minahal ng tama.

hindi ka hari/reyna para laging pagsilbihan ng karelasyon mo. dahil sa una pa lamang, hindi kayo pumasok sa relasyon na yan para maging alipin. pumasok kayo sa relasyong yan dahil nagmamahalan kayo, at gusto niyo matutong magbigayan.

matuto kayong magparaya, matuto kayong magpakumbaba.

dahil kung wala ang mga ito, sinasayang niyo lamang ang mga pagkakataon. yung mga oras na dapat sana ay naglalambingan at nagkukulitan kayo, masasayang lamang sa away at bangayan. baka humantong pa kayo sa hiwalayan.

kaya ngayon pa lamang, maghanda ka na. ayusin mo na ang mga dapat ayusin, itama na dapat ang mga pagkakamali. hindi kayo mga negosyante na nagkekwentahan ng mga bagay na naibigay ninyo sa isa’t isa.

kayo lamang ay dalawang taong nagmamahalan.

MERON WALA MERONG MERON..

You’re Nothing. Not a second rate. Not a trying hard. Not a copy cat. But You’re Nothing.

Naranasan mo na bang maging Wala? Naranasan mo na ba ang Wala?

Yun yung Walang meron. Yun yung merong wala.

Yun yung merong Meron pero mas pinili mo yung merong wala.

Ito yung walang meron kahit alam mong meron namang meron.

Ito yung wala at hindi ito yung meron.

Pano kung sa ganitong paraan umiikot ang buhay mo?

Buhay na sumasagot ka ng “Ahhhh ehhh??” sa mga tanong nila. Akala nilang nakikinig ka pero barado ang dalawang butas tenga mo. Akala nilang nilang nakikinig ka pero nakatingin ka lang. Akala nilang di mo alam pero alam mo talaga, ayaw mo lang magpaliwanag. Akala nilang wala ka pero andyan ka naman. Akala nilang abala ka kase sabi mo mo abala ka pero hindi ka naman talaga abala.

At Bakit hindi ka Abala?

Kase wala kang ginagawa.

Marami ka namang pwedeng gawin pero mas pinili mong walang gawin.

Pwede ka namang maging masipag pero mas pinili mong maging tamad.

Pwede ka namang gumala nang gumala pero mas pinili mong sa bahay lang.

Pwede ka namang tumanggap pero mas pinili mong tumanggi.

Pwede ka namang makinig pero mas pinili mong takpan ang tenga mo.

Pwede ka namang magalit pero mas pinili mong magtimpi.

Pwede ka namang magsalita pero mas pinili mong tumahimik.

Pwede ka namang maglabas ng sama ng loob pero mas pinili mong magtiis

Pwede ka namang maglakas ng loob pero mas pinili mong hinaan.

Pwede ka namang kakayanan mo pero mas pinili mo ang kakayanan ng iba.

Pwede ka namang maging proud pero mas pinili mong mainngit

Pwede ka namang umiyak nang nakikita nila pero mas pinili mong di nila alam.

Pwede ka namang may mga kasama pero mas pinili mong maging soloista.

Pwede mo namang ilapit ang sarili sa kanila pero mas pinili mong lumayo…

Kaya sa sobrang layo mo, hindi ka nila napapansin. Nadyan kaba? WALA. Hindi ka nila maramdaman.

Bakit hindi ka nila maramdaman? Dahil mas pinili mong hindi ka maramadaman.

Bakit Wala ka lang sa kanila? Dahil mas pinili mong maging WALA lang.

MERON ka bang kilalang ganitong Tao?

oo. ako.

---KATYANG