ISANG KATUTAK NA TUMATATAK

Pagal ang aking katawan 
ngunit hindi ang aking isipan 
madaming salita ang gumagambala 
na parang dambuhala. 
Lumililok ang utak 
ng mga matutulis na itak 
upang mabilisang itarak. 
Dumadaloy ang letra 
animo'y parang agila 
agila na mabilis at mabagsik 
kahit ikaw pa ay magsumiksik. 

Kaya papalayain ko ang aking kaisipan 
upang maglaho ang mga letra ng tuluyan 
at mapagpahinga ang katawan 
pati ang aking pagsasagwan..

SPACE SHIP

sa isang blangko 
nagmumula ang mundo ko, 
mundo mo at mundo ninuman 
lalagyan mo ng kulay kahit lamang ang kaitiman. 
Guguhit ka ng parisukat at parihaba 
hanggang magkaroon ng kurba. 
Gagawa ng bilog at linyang baliko 
at pipiliting maging matino. 
Hindi ka makukuntento 
hanggang sa maging magulo. 
Buburahin ang mali 
dadagan ng tamang gawi. 
Lalagyan mo ng kulay 
tiyak merong mag aalalay 
nasa tabi mo lang 
kalabitin mo lang..

SULAT SA PADER

Gahasain mo ang utak kong hubad 
nang ang aking kamalayan makaladkad 
at ang mundo ko ay mamukadkad 
sa saya at banayad. 

Ilawan mo ang umaga kong kulimlim 
upang lumiwanag ang itim, 
pagyabuhin ang sikat 
at mawala ang sugat 

angkinin mo aking pagkatao 
upang ikaw ang maghari dito. 
Salamat diyos ko 
salamat sa muling pagmulat ko..

KANTA

Kanina kayakap lang kita

bakit ngayon hindi na kita makita

lumakad kang palayo

at kinalimutan ang mga pangako

kay sakit sinta

bakit mo sa akin ito nagawa?

minahal naman kita ng buong tapat

hindi pa ba iyon sapat?

May mahal ka na bang iba?

O dati ka pang may reserba?

Akala ko tayo na

yun pala iiwan mo din ako ng bigla

hanggang lumubog ang araw

akoy maghihintay at sayo ay tatanaw

dahil ako pa rin ay umaasa

na tayo pa rin ay magkakasama..

BOKBOK NOY?

hindi mo ba naririnig ang hiyaw ng sambayanan?

o ika'y nagbibingian lamang?

hindi mo ba nakikita nakikita ang bayan?

o ika'y nagbubulag-bulagan?

sabi mo kami ang boss mo

pero bakit pinapakinggan mo lang ang mga aso mo?

bumaluktot na ang pangakong matuwid.

lumipad na sa himpapawid

ang mga salitang iyong pinangako

kinalimutan at pinakO

ang mga maralita lalong naghirap

unti unti nang nawawalan ng pangarap.

ang bayan lalong nagwala

dahil sa iyong pagbabawalang-bahala.

dagliang lumalapit sayo ang bayan

sana wag mo kami pabayaan..

ng iyong mapatunayan

na hindi sayang ang boto ko at ng taumbayan..

MONGGOL

minsan nagkakamali
pero wag kang magmukmok sa tabi
tumayo ka at iwagayway ang kapa
alisin ang takot at kaba.
ipagpatuloy ang pangarap
alisin ang pangamba na ito ay mahirap
hawakan mo ang kamay ng diyos
tiyak ang lahat ay maayos
wag panghinaan ng loob
lahat ng sablay na iyong ginawa
kaya mong itaob.
kaya ang lapis ay may pambura
para nag mga sinulat mong mali ay mabura..

PARAKINOH..

kung kami ay inyong bubusalan

saan na aming kalayaan?

kaya gusto niyo kaming pigilan

upang hindi na mapansin ang inyong baluktot na daan.

sumanib na ata sayo si ferdi

o nasobrahan ka lang sa iyong pagyoyosi?

sinasayang mo ang ginawa ng iyong ina

at dahilan kaya andiyan ka.

hindi dapat yan ang nasa dulo ng pangalan mo

dapat ay yung sa kalaban ng nanay mo...

TINULUGAN SI JUAN

kumakalam ang sikmura ni juan

ngunit walang aksyon mula sa kinauukulan

mas inuuna pang tugunan

ang mga bagay na wala namang kabuluhan

nasasadlak na tayo sa kahirapan

at nakalimutan ng tuluyan.

para san ba ang bansang ito? kay juan?

o sa mga may perang mayayaman?

gumalaw ka naman taong bato

gawin mo ang iyong mga pangako

tulungan mo kami dito

wag puro usok ang asikasuhin mo..