SPACE SHIP

sa isang blangko 
nagmumula ang mundo ko, 
mundo mo at mundo ninuman 
lalagyan mo ng kulay kahit lamang ang kaitiman. 
Guguhit ka ng parisukat at parihaba 
hanggang magkaroon ng kurba. 
Gagawa ng bilog at linyang baliko 
at pipiliting maging matino. 
Hindi ka makukuntento 
hanggang sa maging magulo. 
Buburahin ang mali 
dadagan ng tamang gawi. 
Lalagyan mo ng kulay 
tiyak merong mag aalalay 
nasa tabi mo lang 
kalabitin mo lang..